Կարեվոր
Երեկոյան թշնամին կրակ է բացել Ներքին Հանդի դիրքերի ուղղությամբ
Ադրբեջանցիները դարձյալ խախտել են հրադադարի ռեժիմըբ։ Տեղեկությունը հայտնում է ՀՀ ՊՆ մամուլի ծառայությունը։
«Դեկտեմբերի 8-ին՝ ժամը 20:20-ի սահմաններում, Ադրբեջանի ԶՈւ ստորաբաժանումները տարբեր տրամաչափի հրաձգային զինատեսակներից կրակ են բացել Սյունիքի մարզի Ներքին Հանդի ուղղությամբ տեղակայված հայկական դիրքերի ուղղությամբ»,–ասվում է ՀՀ ՊՆ հաղորդագրության մեջ:
Ըստ Պն-ի՝ հայկական կողմը կորուստներ չունի:
Ժամը 23:00-ի դրությամբ իրադրությունն առաջնագծում հարաբերականորեն կայուն է:
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ: