Հարկային մի փոքրիկ ծուղակի մասին

Ֆեյսբուքյան օգտատեր Արմեն Գևորգյանն իր էջում գրել է «Նախկիններից մնացած Հարկային մի փոքրիկ ծուղակի մասին»

Նախկիններից մնացած Հարկային մի փոքրիկ ծուղակի մասին, որը գլխանց խոչնդոտում է նոր ստեղծված ձեռնակությունների գործունեությունը

Նախ ասեմ, որ Ռոբի ու Սերժի օրորք մի քանի ձեռնարկություն եմ ստեղծել ու բոլորն էլ հարկադրված եմ եղել փակել։

Շատ լավ գիտակցելով, որ Սերժի հեռացումից հետո առաջին իսկ լավ բանը ձեռնարկություն ստեղծելն ու աշխատացնել է, հենց ապրիլին մի ԱՁ ստեղծեցինք, բայց 1 ամսից, դեռ գործարքներ չկատարած, փակեցինք հետևյալ պատճառով. մեծ եկամուտներ չակնկալող մեր ձեռնարկությանը հարմար գտանք, որ կարելի է աշխատել շրջանառության հարկով, այսինքն շրջանառությունից հարկ վճարելով 5%։ Սակայն դա այնքան էլ հեշտ չէր, քանի որ պետք էր ոչ այնքան հաշվապահական տեղեկություններ ունենալ, որքան ծանոթ լինել հարկայինի ծուղակներին։ Այսպիսիով ԱՁ-ն գրանցելուց 20 օր անց, երբ որոշեցինք արդեն սկսել գործը, պարզվեց, որ մեր ԱՁ-ն չի կարող 5%-ով աշխատել, որոշհետև, ըստ կարգի, 10-օրյա ժամկետում 5%-ով աշխատելու համար դիմում պետք է ներկայացրած լինեինք ՊԵԿ։ Մենք, նախ տեղեկացված չէինք այդ 10 օրյա ժամկետից, բացի այդ, եթե տվյալ ժամկետում չես հասցնում 5%-ի դիմումը ներկայացնել, ավտոմատ հայտնված ես լինում 20%՝ ԱԱՀ-ով աշխատելու դաշտում։ Փոքրիկ բիզնես աշխատացնելու համար մեր հաշվարկներով 20%-ով աշխատելը ձեռնտու չէր լինելու, հետևաբար, դեռևս ոչ մի գործարք չկատարելով, որոշեցինք փակել ԱՁ (ձեռնարկություն փակելն էլ մի ուրիշ պրոբլեմտիկ խնդիր է. փաստացի չես էլ կարողանում փակել )։

Դա 2018-ի մայիսն էր և բնական էր, որ հեղափոխության ձեռքը դեր չէր կարող ասած լինել նման անիմաստ կարգերը վերացնելուն։

2018-ի սեպտեմբերին ստեղծեցի իմ ԱՁ-ն, արդեն նախապես իմանալով 5%-ի ծուղակի մասին, դիմումը ժամանակին ներկայացրեցի և սկսեցի աշխատել 5%-անոց դաշտում՝ մի կերպ գլուխ հանելով պարտադիր օնլայն աշխատելու ՊԵԿ-ի ծրագրերից ու փաստացի 2 եռամսյակի (III և IV) հաշվետվություն բարով-խերով ուղարկեցի։ 

Ի դեպ, 5%-անոցի դաշտում աշխատելիս հաշվետվությունները ներկայացնում ես եռամսյակը մեկ, իսկ ԱԱՀ-ով աշխատելիս՝ ամիսը մեկ։

Տրամաբանորեն հաջորդ հաշվետվությունը գիտեմ, որ ներկայացնելու եմ 1-ին եռամսյակից հետո 20-օրյա ժամկետում, այսինքն մինչև ապրիլի 20-ը և դեռ շատ ժամանակ ունեմ։ Բայց 2-օր առաջ հանկարծ ՊԵԿ-ից նամակ եմ ստանում (տես նկարում), որտեղ ինձ ասում են, թե ես ԱԱՀ՝ 20% վճարող եմ և փաստորեն չեմ ներկայացրել 1-ին ամսվա հաշվետվությունը։

Հիմա ինձ հետաքրքիր է, թե ինչպես 5%-անոց դաշտից հայտնվեցի 20%-անոց դաշտում։ Եթե անգամ իմ վրա կիրառված է այն կարգը, ըստ որի ամեն հունվար ամսի մինչև 15-ը (անկախ նրանից, թե 5%-ով աշխատելու դիմումը տարվա որ ամսին ես գրել), այդ դիմումից նորից գրած պետք է լինեի ու չեմ գրել՝ դրանով հայտնվելով 20%-ով անոց դաշտում, միանշանակ պետք է էս ԱՁ-ն էլ փակեմ։

Խնդրում եմ ՊԵԿ-ից պարզաբանում, մինչև հաջորդ աշխատանքային օրը ինքս տեղում պարզեմ։ 

Ի դեպ, հակահեղափոխականներին չի հաջողվի էս ստատուսն օգտագործել կառավարության դեմ, քանի որ բարձրացված հարցը լիովին տեղավորվում է տենտեսական հեղափոխության տրամաբանության մեջ, ուստի արագ կարգով լուծում կգտնի։