«  Սեպտեմբեր 2022  »
ԵրկԵրքՉրքՀնգՈւրբՇբԿիր
   1234
567891011
12131415161718
19202122232425
2627282930

Яндекс.Метрика

Լևոն Զուրաբյան. Մեր լիարժեք անկախությունը վերածնելու մեկ ճանապարհ կա

Լևոն Զուրաբյան. Մեր լիարժեք անկախությունը վերածնելու մեկ ճանապարհ կա

Անկախությունը մենք ձեռք ենք բերել 1988-ի մեր Համաժողովրդական Շարժման հաստատուն կամքով։ Այդ նույն կամքով մենք զրոյից կառուցեցինք պետական ինստիտուտները, հաղթեցինք ղարաբաղյան պատերազմում, հաղթահարեցինք  մեր ժողովրդի մեջ ցեղասպանությամբ ձեւավորված՝ զոհի հոգեբանությունը եւ վերականգնեցիք ժողովրդի հավատը իր բազկի ուժի եւ ապագայի նկատմամբ։

Այդ ամենը կայացավ, որովհետեւ անկախությունը մեզ համար ամպագոռգոռ կեցվածք չէր, այլ մեր ազգի, պետության ներուժը մեծացնելու ամենօրյա աշխատանք։ Պետությանդ անկախությունը չի ուժեղանում՝ կարգախոս եւ այն բոլորի աչքը կոխելու գործիք դառնալով, անկախությունդ հզորանում է միայն եւ միայն բանակի հզորությունը ամրացնելու, տնտեսությունը զարգացնելու, պետական ինստիտուտները եւ նրանց նկատմամբ ժողովրդի հարգանքը ամրապնդելու միջոցով։

Մեր անկախությանը, նույն է՝ պետականությանը հարվածներ է հասցրել մի՜միայն մեր մեջի ոչմիթիզական արկածակնդրականությունը, հեռատես եւ սառը ռազմավարական հաշվարկից զուրկ ազգային գոռոզությունն ու պոռոտախոսությունը, որոնց հետեւում իրականում միշտ թաքնված է եղել շահամոլ իշխանատենչությունը։
Մեր լիարժեք անկախությունը վերածնելու մեկ ճանապարհ կա միայն՝ վերականգնել սթափ քաղաքական իրատեսությունը եւ ռազմավարական հաշվարկի ինստիտուցիոնալ ունակությունը։

Շնորհավո՜ր Հաայաստանի անկախության օրը եւ կեցցե՜ն բոլոր նրանք, ովքեր իրենց հավատով եւ ամենօրյա աշխատանքով ու զոհողություններով դեռ պահում են մեր անկախ պետականության հարատեւման հեռանկարը։

«Հայ ազգային կոնգրես» կուսակցության փոխնախագահ Լևոն Զուրաբյան

-->