Կարեվոր
Նոյեմբերի 8-ից Երևանում Սահմանադրության փոփոխության դեմ իրազեկման ակցիաներ կսկսվեն (տեսանյութ)
Նոյեմբերի 8-ից Երևանում իրազեկման ակցիաներ կանցկացվեն՝ հանրությանը Սահմանադրության փոփոխության հնարավոր վտանգները ներկայացնելու նպատակով։
Այս մասին նոյեմբերի 7-ին հայտարարել է Ազգային ժողովի «Ուժեղ Հայաստան» խմբակցության ղեկավար Նարեկ Կարապետյանը՝ ԱԺ ընդդիմադիր խմբակցությունների և հասարակական-քաղաքական ուժերի ներկայացուցիչների հանդիպումից հետո։
Նա նշեց, որ ակցիաներին կմասնակցեն Սահմանադրության փոփոխության դեմ համախմբված քաղաքական ուժերի ղեկավարներն ու ակտիվ անդամները:
Հիշեցնենք՝ նոյեմբերի 4-ին մի շարք ընդդիմադիր ուժեր հանդես էին եկել համատեղ հայտարարությամբ՝ ազդարարելով համախմբում նոր Սահմանադրության ընդունման դեմ պայքարի և այլ հարցերի շուրջ։