«Սեդա Սաֆարյանը փաշինյանական ռազլիվի ձեռնասուն դատավորների քաղաքական թշվառության խորհրդանիշն է»
«Ես խնդրում եմ պարզաբանել, թե ընտրություններից առաջ, նաև շատ ավելի առաջ, Ռուսաստանի Դաշնության նախագահի և մի շարք բարձրաստիճան պաշտոնյաների խոսքերը, որոնք հիմնականում պաշտպանության տակ էին առնում այս երեք ուժերին և չէին էլ թաքցնում դա»,- Սա ՍԴ դատավոր Սեդա Սաֆարյանի քաղաքական հայտարարություններն են, խոսքեր որոնք հարիր են ոչ թե բարձր դատարանի դատավորի, այլ մի անպատասխանատու, կենացասած աշխուժակի:
Դատավորի կերպարը, հարգն ու պատիվը, նրա խոսքերը ենթադրում են զսպվածություն, հիմնավորվածություն ու քաղաքական չեզոքություն, այն էլ այնպիսի գործով որտեղ իրեն ինքնաբացարկի դիմում է տրվել:
Սեդա Սաֆարյանը ոչ թե դատավորի պատիվ է պահում, այլ Փաշինյանական ռազլիվի ձեռնասուն դատավորների քաղաքական թշվառության խորհրդանիշն է, քաղաքական կաշկանդվածության ու գործադիր իշխանության կցորդ լինելու առհավատչյան: ՀՀ ամեն իշխանության իր պարտքն է համարում նվաստացնել բարձր դատարանի հարգը, պատիվն ու հեղինակությունը` այն համալրելով ձեռնասուն, քաղաքականապես լոյալ ու կաշկանդված դեմքերով: