Թշնամու կրակոցից վիրավորված զինծառայողը զոհվել է

Մայիսի 17-ին Սոթքի հատվածում հայկական դիրքի ուղղությամբ Ադրբեջանի ԶՈՒ բացած կրակի հետևանքով կյանքի հետ անհամատեղելի հրազենային վնասվածքներ ստացած զինծառայողը,  մինչև  հոսպիտալ տեղափոխվելը, զոհվել է: Տեղեկությունը հայտնում է ՀՀ ՊՆ մամուլի ծառայությունը։

Վիրավորում ստացած բուժակի առողջական վիճակը գնահատվում է բավարար, կյանքին վտանգ չի սպառնում:

Ավելի վաղ հայտնել էինք, որ այսօր՝ մայիսի 17-ին ժամը 16:15-ի սահմաններում, Ադրբեջանի ԶՈւ ստորաբաժանումները կրակ էին բացել Սոթքի հատվածում տեղակայված հայկական դիրքի և վիրավոր զինծառայողին տեղափոխող շտապօգնության մեքենայի ուղղությամբ:

Սոթքի ուղղությամբ Ադրբեջանի ԶՈՒ ստորաբաժանումների կրակի հետևանքով  զոհված զինծառայող Էդգար Վահանի Սուլեյմանյանը Սիսիանից էր: Նա կզորացրվեր 35 օրից: