«  Նոյեմբեր 2021  »
ԵրկԵրքՉրքՀնգՈւրբՇբԿիր
1234567
891011121314
15161718192021
22232425262728
2930

Яндекс.Метрика

Համանախագահները կոչ են արել ՀՀ-ին ու Ադրբեջանին թուլացնել լարվածությունը

Համանախագահները կոչ են արել ՀՀ-ին ու Ադրբեջանին թուլացնել լարվածությունը

ԵԱՀԿ Մինսկի խմբի համանախագահները խորապես մտահոգված են հայ-ադրբեջանական սահմանի երկայնքով վերջին միջադեպերով։ Այս մասին ասվում է ԵԱՀԿ Մինսկի խմբի համանախագահներ Էնդրյու Շոֆերի (ԱՄՆ), Իգոր Խովաեւի (ՌԴ) եւ Բրիս Ռոկֆուեի (Ֆրանսիա) հայտարարության մեջ։

«Համանախագահները կողմերին կոչ են անում անհապաղ կոնկրետ քայլեր ձեռնարկել իրավիճակի դեէսկալացիայի համար։ Նրանք նաեւ կոչ են անում կողմերին զերծ մնալ հրահրող հռետորաբանությունից ու սադրիչ գործողություններից եւ լիովին կատարել նոյեմբերի 9-ի հայտարարության եւ հրադադարի մասին համատեղ համաձայնեցված այլ պայմանավորվածությունների համաձայն ստանձնած պարտավորությունները։

Վերջերս լարվածության ուժեղացումն ընդգծում է Լեռնային Ղարաբաղի հակամարտության հետ կապված կամ դրանից բխող բոլոր չլուծված խնդիրների համաձայնեցված, համապարփակ եւ կայուն լուծման անհրաժեշտությունը։ Համանախագահները կողմերին կոչ են անում հիմնվել Նյու Յորքում եւ Փարիզում համանախագահների հովանու ներքո կայացած՝ Հայաստանի եւ Ադրբեջանի արտգործնախարարների համատեղ հանդիպումների ընթացքում ձեռք բերված առաջընթացի վրա՝ շարունակելով մասնակցությունը անմիջական երկխոսությանը, որն ուղղված է տարածաշրջանում անվտանգության, կայունության եւ բարգավաճման աջակցությանը»: