«Հայաստանից Վրաստան մեկնող բոլոր մեքենաների գերբեռնվածությունը պետք է սահմանին ստուգել»

Պաշտոնական 11.07.2019   12:33   406

ՀՀ առողջապահության նախարար Արսեն Թորոսյանը, կառավարության այսօրվա նիստում խոսելով վերջին օրերին տեղի ունեցած մահվան ելքով վթարների մասին, տվյալներ ներկայացրեց և առաջարկով հանդես եկավ:

«Մենք առաջին պատահարով ունենք 7 զոհ, որից 6-ը՝ այրվածքներից, մեկը՝ ոչ, ունենք 3 ծանր վիրավոր: Երկրորդը Վրաստանի դեպքն է, փաստացի ունեինք գերբեռնված մեքենա, 3 զոհ, որից 2-ը՝ երեխա: Այս պահի դրությամբ ունենք երկու ծանր վիրավոր, որ տեղափոխվել են Հայաստան, բժիշկները պայքարում են նրանց կյանքի համար, դեռ վաղ է գնահատել՝ կստացվի՞ փրկել նրանց կյանքը, թե՞ ոչ»,- ասաց նա:

Թորոսյանը նշեց՝ առաջարկում է Վրաստան երթևեկող բոլոր մեքենաների գերբեռնվածությունը ստուգել սահմանային անցակետ մտնելիս, քանի որ սահմանապահը չի կարող տեսնել՝ գերբեռնվա՞ծ է, թե՞ չէ, մարդիկ ոտքով են անցնում սահմանը: Այս առաջարկի ընդունումն, ըստ Թորոսյանի, թույլ կտա խուսափել վթարներից:

Փաշինյանն արձագանքեց. «Կքննարկենք, ոտքի վրա որոշում չկայացնենք»:

 Լուսանկարներ

  Կիսվեք սոցցանցերում


 Պիտակներ
         կառավարություն, Արսեն Թորոսյան

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon