«Իշխող ուժում կան մարդիկ, ովքեր դիտավորությամբ ՍԴ ճգնաժամը լուծելու ուղղությունը փոխել են»
Եվրամիության Արևելյան գործընկերության քաղաքացիական հասարակության ֆորումը ընդունել է 2019թ. համաժողովի հռչակագիրը, որը նաև անդրադառնում է Հայաստանում Սահմանադրական դատարանի ճգնաժամին և կոչ անում Հայաստանի իշխանությանը շուտափույթ կազմավորել լեգիտիմ Սահմանադրական դատարան: Այս մասին հայտնել է ԱլԳ ՔՀՖ Հայաստանի ազգային համակարգող, «Իրավունքի Եվրոպա» միավորում հասարակական կազմակերպության նախագահ Լուսինե Հակոբյանը։
«Առաջին լրատվական»-ի հետ զրույցում, Լուսինե Հակոբյանի խոսքով՝ ՍԴ-ի հարցը այդ հարթակում բարձրացվել է, քանի որ Հայաստանի Սահմանադրական դատարանի ճգնաժամը մնում է խնդրահարույց։
«Հայաստանի վերաբերյալ արձանագրվել է, որ դատական իշխանությունը, այդ թվում նաև ՍԴ-ն ունի լեգիտիմության լուրջ բաց, և կոչ արվեց իրականացնել դատական իշխանության մասշտաբային բարեփոխումներ և շուտափույթ լուծել ՍԴ ճգնաժամը»:
Հակոբյանի խոսքով՝ ՍԴ ճգնաժամի խնդրի լուծմանը ֆորմալիստական մեթոդներով հասնել հնարավոր չէ:
«Մենք կոչ ենք արել շուտափույթ կազմավորել լեգիտիմ Սահմանադրական դատարան, որը կվայելի վստահություն… Անհրաժեշտ է կատարել նաև Սահմանդրության 213-րդ հոդվածի փոփոխություն, որը ԱԺ-ն պետք է կատարի»:
Ամբողջական՝ սկզբնաղբյուրի տեսանյությում