Կենսաթոշակի և նպաստի կանխիկ վճարումները չեն կատարվում. ՀայՓոստը միջոցներ չի ստացել

ՀայՓոստը սեպտեմբերի 9-ից՝ ժամը 16:00-ից սկսած, ժամանակավորապես չի վճարում կանխիկ եղանակով կենսաթոշակի և մինչև 2 տարեկան երեխայի խնամքի նպաստի վճարումները, քանի որ չի ստացել բավարար չափով դրամական միջոցներ ՀՀ աշխատանքի և սոցիալական հարցերի նախարարության միասնական սոցիալական ծառայության կողմից: Տեղեկացնում է ՀայՓոստ-ը:

«Ֆինանսավորումը ստանալուն պես վճարումներն անմիջապես կվերսկսվեն:Հայցում ենք ձեր ներողամտությունը»,- նշված է հայտարարությունում: