Սյունիքի մարզում բարձրացվեց հսկայական եռագույնը (տեսանյութ)
Սյունիքի մարզի Ճակատեն գյուղ տանող ճանապարհի հարակից թմբի վրա այսօր ՀՀ օրհներգի հնչյունների ներքո հանդիսավորությամբ բարձրացվեց Հայաստանում թերևս ամենաբարձր`30մ բարձրությամբ և 40 քմ մակերեսով հայկական եռագույնը։ Այս մասին ֆեյսբուքյան իր էջում հայտնում է Կապանի համայնքապետարանը, որը տեսագրություն է հրապարակել։
Հիշեցնենք՝ Սյունիքի մարզը որոշ տարածքներ է կորցնում։ Մասնավորապես Շուռնուխ գյուղում, ըստ նախնական տվյալների, ադրբեջանցիներին է անցնում գյուղի 12 տուն և կից հողատարածքներ, Որոտան գյուղում՝ 12 շինություն և գյուղատնտեսական տարածքներ։
Դավիթ Բեկ համայնքի հողերի զգալի մասը ևս մնում է Ադրբեջանի վերահսկողության տակ։ Քարահունջ գյուղը 30 հեկտար այգիներ է կորցնում և մոտակա ՀԷԿ-ը։
Սյունիքի տարածքի հատվածները, որոնք Ադրբեջանին են փոխանցվում «սահմանազատման» արդյունքում
Բացի այդ, Ադրբեջանի վերահսկողությանն են անցնում Գորիս-Կապան, Կապան-Ճակատեն ճանապարհահատվածները։ Լիովին փակվում է հիմնական մայրուղու՝ Կապանից դեպի Ագարակ գյուղ տանող հատվածը։