6 - ժամյա դադարից հետո Արցախում վերականգնվել է գազամատակարումը
6-ժամյա դադարից հետո Արցախում վերականգնվել է գազամատակարումը, հայտնում է Արցախի Տեղեկատվական շտաբը։
««Արցախգազ» ընկերությունը տեղեկացնում է, որ այս պահին իրականացվում են համապատասխան պրոֆիլակտիկ-վերականգնողական աշխատանքներ՝ գազամատակարումն ապահովելու նպատակով: Նախատեսվում է, որ երեկոյան գազի մատակարարումը կվերականգնվի ինչպես Ստեփանակերտում, այնպես էլ շրջաններում:
Գազ սպառող բաժանորդներին «Արցախգազը» հորդորում է լինել ուշադիր և պահպանել անվտանգության կանոնները, ստուգել գազի փականները:
Ավելի վաղ Արցախի կառավարութունը հաղորդել էր, որ ժամը 13-ի դրությամբ Ադրբեջանը դարձյալ փակել է Հայաստանից Արցախ մտնող միակ գազատարը։
«Ադրբեջանը կրկին արգելափակել է Հայաստանից Արցախը սնուցող միակ գազատար խողովակը՝ Արցախի բնակչությանը զրկելով բնական գազի օգտագործման հնարավորությունից։ «Արցախգազ» ՓԲ ընկերությունը հայտնում է, որ հանրապետությունում գազամատակարարումը դադարեցվել է ժամը 13։00–ի դրությամբ»:
Հիշեցնենք՝ դեկտեմբերի 12-ի առավոտից փակ է Հայաստանն Արցախին կապող միակ ճանապարհը։