«Գլխակեր բարքերով ապրող այդ երկիրը չի կարող աղետի չգալ». Ակցիա՝ ԵՄ-ի դիմաց (ուղիղ)
«Գլխակեր բարքերով ապրող այդ երկիրը չի կարող աղետի չգալ: Իրավիճակի դրամատիզմը այն է, որ որքան ուշանում է աղետը, այնքան սպառվում են վերականգնումի բարոյական, դեմոգրաֆիկ, նյութական, քաղաքական ռեսուրսները»
Վանո Սիրադեղյան
Այսօր՝ 2026 թվականի նոյեմբերի 11-ին Հայաստանում Եվրոպական միության պատվիրակության (ԵՄ գրասենյակի) դիմաց, ընթանում է բողոքի ակցիա՝ «Արդարություն Արսեն Գևորգյանի համար» պահանջով:
Ակցիան նախաձեռնել է «Ուժեղ Հայաստան» կուսակցությունը: Մասնակիցները հավաքվել են «Եվրոպա՛, լսի՛ր մեզ» և «Արդարություն Արսեն Գևորգյանի համար» գրությամբ պաստառներով:
Ցույցը կազմակերպվել է Ստեփանավանի քաղաքապետի նախկին թեկնածու Արսեն Գևորգյանի՝ կալանավայրում մահանալու դեպքի առնչությամբ: Կազմակերպիչները պահանջում են միջազգային կառույցների արձագանքն ու արդարության վերականգնում:
Նշենք, որ «Ուժեղ Հայաստան» կուսակցության` Ստեփանավանի համայնքապետի թեկնածու Արսեն Գևորգյանի փաստաբանական թիմը հայտարարություն է տարածել, որտեղ ասվում է, որ բժիշկներին թույլ է տրվել մուտք գործել ՔԿ հիմնարկ Արսեն Գևորգյանի մահվանից հետո: