Արմեն Բաղդասարյան. Այս իշխանությունները վերջնականապես հրաժարվել են Արցախից
«Նիկոլ Փաշինյանի ասածը, ըստ էության, այն էր, որ իր ամբողջ քաղաքականությունը ձախողվել է», - «Ազատության» հետ զրույցում անդրադառնալով Փաշինյանի առցանց ասուլիսում արած հայտարարություններին` ասաց քաղաքական մեկնաբան Արմեն Բաղդասարյանը:
Նիկոլ Փաշինյանի ասածը, ըստ էության, այն էր, որ իր ամբողջ քաղաքականությունը ձախողվել է, սրա մասին էր ինքն ասում, այսինքն` ինքը ցանկացած զիջում, ամեն բան զիջել է, ինչ ուզել են, մի բան էլ ավելի, բայց արդյունքում խաղաղության դարաշարջանը բացելու ոչ մի երաշխիք չկա, ավելին` ինքն ասում է, որ պատրանքներ պետք չի ունենալ` Ադրբեջանը նոր պատերազմ է նախապատրաստում: Այստեղ ամենացավալին, ամենատարօրինակն, իմ պատկերացմամբ, այն է, որ Նիկոլ Փաշինյանի ասածների և արարքների միջև խորը հակասություն կա:
«Տեսեք, ինքն ասում է` պատրանքներ չունենանք, Ադրբեջանը պատրաստվում է նոր պատերազմի, ու միաժամանակ ասում է` մենք համառորեն շարունակելու ենք գնալ խաղաղության ճանապարհով, այսինքն` մենք շարունակելու ենք գնալ պատրանքների ճանապարհով: Այդպես չի լինում, մյուս կողմից էլ` գուցե ինչ-որ դիվանագիտական հնարք է, բայց եթե մարդը հստակ ասում է, որ պատերազմ է լինելու, համարյա անխուսափելի, միաժամանակ մենք չունենք Գլխավոր շտաբի պետ, անընդհատ քարոզչությամբ բանակի վարկանիշն է իջեցվում, անընդհատ ինչ-որ լրտեսների մասին է խոսվում, հասարակությունը բաժանված է սև ու սպիտակների, դիրքերը կահավորված չեն, այսինքն` այնպիսի տպավորություն չէ, թե մենք պատրաստվում ենք պատերազմի, մինչդեռ պետության ղեկավարն ասում է, որ այո, Ադրբեջանը պատրաստվում է պատերազմի: Այս խոսքի և գործի հակասությունն է անհասկանալի»:
Ամբողջական՝ տեսանյութում: