«  Դեկտեմբեր 2021  »
ԵրկԵրքՉրքՀնգՈւրբՇբԿիր
  12345
6789101112
13141516171819
20212223242526
2728293031

Яндекс.Метрика

Չավուշօղլու. Թուրքիան ու Հայաստանը չարտերային ավիահաղորդակցություն կբացեն

Չավուշօղլու. Թուրքիան ու Հայաստանը չարտերային ավիահաղորդակցություն կբացեն

Թուրքիայի արտգործնախարար Մևլութ Չավուշօղլուն հայտարարել է Հայաստանի հետ ավիահաղորդակցությունը վերականգնելու մասին։

Ինչպես հայտնում է ria run- ն, նա ելույթ է ունեցել խորհրդարանում և ասել, որ Թուրքիան եւ Հայաստանն առաջիկայում չարտերային ավիահաղորդակցություն կբացեն։

«Ստամբուլից Երևան միջազգային չարտերային թռիչքներ կգործարկվեն։ Մենք ամեն քայլափոխի Ադրբեջանի հետ միասին ենք գործելու»,– ասել է Չավուշօղլուն։

Հիշեցնենք` Հայաստանի գործող իշխանությունը բազմիցս հայտարարել է, որ ընդունել է տարածաշրջանում խաղաղություն հաստատելու օրակարգը և պատրաստ է կարգավորել հարաբերությունները Թուրքիայի հետ: Ի պատասխան պաշտոնական Անկարան նշել է, որ Երևանից «դրական ազդակներ» է ստացել։

Թուրքիան և Հայաստանը հատուկ ներկայացուցիչներ կնշանակեն հարաբերությունների կարգավորման համար։ Տեղեկությունը հայտնում է ria.ru- ն:

«Հայաստանի հետ հարաբերությունները կարգավորելու համար մենք շուտով հատուկ ներկայացուցիչներ կնշանակենք փոխադարձության սկզբունքով», - ասել է Չավուշօղլուն` ելույթ ունենալով խորհրդարանում:

Հայաստանը, ինչպես մշտապես նախկինում, այնպես էլ այժմ, պատրաստ է Թուրքիայի հետ առանց նախապայմանների հարաբերությունների կարգավորմանն ուղղված գործընթացին, ինչն արձանագրված է ՀՀ կառավարության ծրագրում։ ՀՀ ԱԳՆ մամուլի քարտուղարի Վահան Հունանյանն այսպես է պատասխանել ԶԼՄ-ների հարցին։

«Այս առումով դրական ենք գնահատում Թուրքիայի ԱԳ նախարարի` հարաբերությունների կարգավորման նպատակով հատուկ ներկայացուցիչ նշանակելու մասին հայտարարությունը և հաստատում, որ հայկական կողմը ևս երկխոսության համար հատուկ ներկայացուցիչ կնշանակի»,–ասված է ԱԳՆ պատասխանում։

Հիշեցնենք՝ Թուրքիայի և Հայաստանի միջև դիվանագիտական հարաբերություններ չկան, երկու երկրների միջև սահմանը փակ է 1993 թվականից Անկարայի նախաձեռնությամբ։