«Մեր օրեր. «Հարստացած հեղափոխականները». Aravot (տեսանյութ)

Ինչպե՞ս և որքա՞ն հարստացան հեղափոխական պաշտոնյաները պատերազմող երկրում, պատերազմի տարում

Ինչպես ավելի վաղ հայտնել էինք, «Առավոտ» թերթը պատրաստվում էր տեսանյութ հրապարակել 2018 թվականից հետո հարստացածների մասին, բայց նախապես հայտարարված ժամից առաջ կորցրել է իր յութուբյան ալիքի հասանելիությունը․ անհայտ անձինք կոտրել են այն։

Թերթի առցանց տարբերակի խմբագիր Աննա Իսրայելյանը սոցցանցերում հայտնել է, որ մարտի 14-ի առավոտյան իրենք Telegram-ում և Facebook–ում հայտարարել էին տեսանյութ ներկայացնելու մասին, որն ուներ հետևյալ վերնագիրը՝ «Մեր օրեր-#Հարստացածհեղափոխականները. Ինչպե՞ս և որքա՞ն հարստացան հեղափոխական պաշտոնյաները պատերազմող երկրում, պատերազմի տարում: Ովքե՞ր են մեր օրերի «Չախչախ թագավորները»»։