«Մնացական Մարտիրոսյանին այս պաշտոնի նշանակելը նշանակում է՝ Մարտի 1-ի գործերով ապօրինի վճիռները համարել լեգիտիմ»
Դատաիրավական համակարգում վեթինգի խոստում տված Նիկոլ Փաշինյանի կառավարության օրոք ԲԴԽ-ի առաջարկով և նախագահ Վահագն Խաչատուրյանի ստորագրությամբ հանրահայտ դատավոր Մնացական Մարտիրոսյանը, ով ի դեպ, վերջերս ասաց, թե զղջացել է իր սխալների համար, նշանակվեց Երևանի ընդհանուր իրավասության քրեական դատարանի նախագահ:
Factor TV-ի հարցազրույցում Հայ ազգային կոնգրեսի վարչության անդամ, իրավաբան Արմեն Խաչատրյանն ասաց, որ Մնացական Մարտիրոսյանին այս պաշտոնի նշանակելը նշանակում է՝ Մարտի 1-ի գործերով ապօրինի վճիռները համարել լեգիտիմ, այդ թվում՝ Նիկոլ Փաշինյանին առաջադրված մեղադրանքը:
«Փաստորեն՝ ավելի քան 20-ամյա իմ իրավաբանական պրակտիկայում չեմ իմացել, որ հանցագործություն կատարած մարդը կարող է զղջալ և ազատվել պատժից։ Ես ուրեմն պետք է գամ այն հետևության, որ Նիկոլ Փաշինյանը հավանաբար, իսկապես, Մարտի 1-ին զանգվածային անկարգություններ հրահրել էր։ Ես պրովոկացիա եմ անում։ Ինձ որևէ մեկը չի կարող հետ համոզել այն համոզմունքից, որ 2008 թվականին քաղաքական իշխանությունը կրակել է սեփական ժողովրդի՝ խաղաղ ցուցարարների վրա, որոնք բողոքում էին ընտրությունների կեղծիքի դեմ»,- ասաց ՀԱԿ անդամը։
Ավելին՝ սկզբնաղբյուրի տեսանյութում: