Գյումրիում ևս ռազմագերիների հարազատները ճանապարհներ են փակել
Շիրակի մարզի անհետ կորած և գերեվարված զինծառայողների հարազատները երեկ՝ դեկտեմբերի 7-ին, բողոքի ակցիա են իրականացրել մարզպետարանի շենքի մոտ։ Իրենք փորձել են կապ հասատել մարզպետ Նազելի Բաղդասարյանի հետ, սակայն չի հաջողվել։
Գերեվարվածների հարազատներին զայրացրել են ՀՀ ԱԺ նախագահ Ալեն Սիմոնյանի խոսքերը։
Հիշեցնենք` դեկտեմբերի 7-ին համացանցում է հայտնվել ՀՀ ԱԺ նախագահ Ալեն Սիմոնյանի մասնակցությամբ գաղտնի նկարահանված մի տեսանյութ, որում ՀՀ ԱԺ նախագահը հայտարարում է` գերիների ծնողներն էլ գիտեն, որ իրենց որդիները դասալք են։
Նշենք, որ Երևանում՝ կառավարության շենքի դիմաց անհետ կորած և գերեվարված զինծառայողներիի հարազատները ևս բողոքի ակցիա են իրականացրել՝ պահանջելով, որ ԱԺ նախագահ Ալեն Սիմոնյանը գա և հանդիպի իրենց հետ։ Ավելի ուշ նրանք մի քանի ժամով փակել էին Հանրապետության հրապարակ մտնող մի քանի փողոց։