Խոսք
Վարդան Հարությունյան. Ի՞նչ է հիշվելու այս ընտրարշավից
Իսկ ի՞նչ է հիշվելու այս ընտրարշավից, երբ կավարտվի ու վերջակետը կդրվի․
- հիշվելու է քաղաքականության իսպառ բացակայությունը,
- հիշվելու է ատելությունը, որ տարածվում է անսպառ,
- հիշվելու է սուտը, որ եղել է միշտ, բայց անթաքույց ու ցինիկ դարձավ 2018-ից հետո, իսկ այս ընթացքում բազմապատկվեց ու բազմապատկվեց,
- հիշվելու է հայհոյանքը, որ վանում է ու ականջ է ծակում,
- հիշվելու են հաշվեհարդարի խոստումները, որ կարող են իրականություն դառնալ,
- հիշվելու է այս ընթացքում ձեռք բերված ամուր համոզմունքը, որ մեր երկրում հոգեբուժությունն իր բարձրության վրա պետք է գտնվի։
Թվարկումների գլխավոր պատասխանատուն իշխանություններն են։ Նրանք են արշավի որակը որոշել ու գնում են առջեւից։
Թվարկումների այս շարքում, որ, իհարկե, կարելի է շարունակել, հիշվելու է, անկասկած, Արթուր Օսիպյանը, որի կալանավորումն արդարադատության բացակայության հստակ վկայություն է, որի կալանավորումն օրենքն ու օրինականությունն իշխանավորի կամքին ենթարկեցնելու ցցուն օրինակ է, ով 14-րդ օրն է, ինչ հացադուլի մեջ է, ում այս թոհուբոհի մեջ մոռանալն, աչքաթող անելն անպատվաբեր է։