ՀՀ–ից Նիդեռլանդներ մեկնելու նոր կանոններ են սահմանվել

Պաշտոնական 29.10.2021   12:00   147

2021 թվականի հոկտեմբերի 29-ից Հայաստանը շատ բարձր ռիսկի գոտու երկրների շարքում է դասվել, ուստի Հայաստանից Նիդերլանդներ մեկնելու նոր կանոններ են սահմանվել։ Տեղեկությունը հայտնում է Հայաստանում Նիդերլանդների դեսպանությունը։

Որոշ մարդկանց համար գործում է եվրոպական մուտքի արգելք՝ թույլ չտալով նրանց մեկնել Եվրամիություն կամ Շենգեն գոտու տարածք։

Նիդերլանդներ մուտքը թույլատրվում է, եթե ուղևորության նպատակը համապատասխանում է բացառություն համարվող չափանիշներին:

Նիդերլանդներ մուտք գործելիս այցելուն պետք է.

  • ինքնամեկուսանա, եթե պատվաստված չէ,
  • տրամադրի բացասական COVID-19 թեստի արդյունք, անգամ եթե պատվաստված է
  • լրացնի առողջության հայտարարագիր:

Հիշեցնենք՝ Եվրոպական միությունը ճանաչեց կորոնավիրուսի դեմ պատվաստման Հայաստանի սերտիֆիկատները։
Այսպիսով՝ Հայաստանը միանում է Եվրոպական միության «EU Digital COVID Certificate»  համակարգին, և միմյանց հավաստագրերը դառնում են փոխադարձ ճանաչելի։ Այսինքն Հայաստանն էլ իր հերթին կընդունի այն 45 երկրների տրամադրած սերտիֆիկատները, որոնք հաստատել է ԵՄ-ն։

Նշենք՝ հոկտեմբերի 29-ի` ժամը 11:00-ի դրությամբ, Հայաստանում գրանցվել է 2096 նոր դեպք, 43 մահ` մեկ օրում:

 

 Լուսանկարներ

  Կիսվեք սոցցանցերում


 Պիտակներ
         Հայաստան, Նիդերլանդներ, կորոնավիրուս, ԵՄ, COVID -19

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon