ՀՀ ու ԱՀ ՄԻՊ-երը հրապարակել են համատեղ զեկույց

Պաշտոնական 08.12.2020   11:30   169

ՀՀ և ԱՀ Մարդու իրավունքների պաշտպանները համատեղ նոր զեկույց են հրապարակել՝ Ադրբեջանում կազմակերպված ատելության խոսքը եւ թշնամանքն էթնիկ հայերի նկատմամբ` որպես ադրբեջանական զինված ուժերի կողմից էթնիկ հիմքով խոշտանգումների եւ անմարդկային վերաբերմունքի արմատական պատճառների առնչությամբ։ Այս մասին հայտնում է Արման Թաթոյանը։

Նա, մասնավորապես, նշել է.

«Մեր համատեղ նոր զեկույցն է՝ «Ադրբեջանում կազմակերպված ատելության խոսքը եւ թշնամանքն էթնիկ հայերի նկատմամբ` որպես ադրբեջանական զինված ուժերի կողմից էթնիկ հիմքով խոշտանգումների եւ անմարդկային վերաբերմունքի արմատական պատճառներ»:

Զեկույցը հիմնավորում է էթնիկ զտումների ու ցեղասպանության ադրբեջանական քաղաքականությունը տեռորիստական մեթոդներով: Զեկույցն ապացուցում է, որ այս պատերազմի ընթացքում ադրբեջանական դաժանությունները, խոշտանգումներն ու անմարդկային վերաբերմունքը տարիների թշնամանքի քարոզի ու կազմակերպված հայատյաց քաղաքականության հետեւանք է:

Զեկույցը նաեւ ապացուցում է, որ հայատյացությունն Ադրբեջանում փակ շղթայի մեջ է՝ գեներացվում է Ադրբեջանի իշխանությունների, այդ թվում՝ բարձրագույն մարմինների կողմից, այնուհետեւ գրեթե նույն ձեւակերպումներով լայնորեն օգտագործվում եւ խրախուսվում է մշակութային, սպորտային ու հանրային այլ գործիչների կողմից ու արժանանում հանրային գովասանքի՝ հաճած թիրախում ունենալով երեխաների:

Ադրբեջանական զինծառայողները հստակ գիտակցում են, որ հայերի խոշտանգումը ոչ միայն մնալու է անպատիժ, այլ արժանանալու է իշխանական ու հասարակական գովասանքի:

Հրապարակվում են մի շարք հատվածներ զեկույցից: Այն կուղարկվի միջազգային մարմիններին:

Շնորհակալ ենք Անժելա Էլիբեգովային եւ Սամվել Մարտիրոսյանին համագործակցության համար զեկույցը կազմելիս։ Հղումը ստորև»։

 Լուսանկարներ

  Կիսվեք սոցցանցերում


 Պիտակներ
         Արտակ Բեգլարյան, ԼՂ, Արման Թաթոյան, պատերազմ Արցախում, ՄԻԴ, ադրբեջան, զեկույց

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon