Բանակ
Արծրուն Հովհաննիսյանը. Ապագա պատերազմներն այսպես են լինելու, և այդ ապագան հեռու չէ
ՀՀ ՊՆ Վազգեն Սարգսյանի անվան ռազմական համալսարանի հրամանատարաշտաբային ֆակուլտետի պետ Արծրուն Հովհաննիսյանը ֆեյսբուքի իր էջում գրել է․
«Ցանցահարթակակենտրոն պատերազմների (ՑՀԿ) հայեցակարգի մեջ, այն, ինչ ես 2016 թ. անվանել եմ օդային հարթակներ (ՕՀ), անօդաչու թռչող համակարգեր (ԱԹՀ), ԱՄՆ-ում այսօր ստացել է «օդային արձակումների արդյունք» կոնցեպտուալ անունը:
Ապագա պատերազմներն այսպես են լինելու, և այդ ապագան հեռու չէ: Պարզ լեզվով ասած՝ մեծ ինքնաթիռից արձակած ԱԹՍ-ն իրենից ԱԹՍ է արձակելու, հրանոթից արձակած արկը, նավից արձակած հրթիռը և բազում այլ հարվածային միջոցներ ցանցով իրար հետ կապի մեջ են լինելու, իսկ հրամանատարը այդ ամենը տեսնելու է օնլայն եռաչափ հարթության մեջ»: