«  Հունվար 2019  »
ԵրկԵրքՉրքՀնգՈւրբՇբԿիր
 123456
78910111213
14151617181920
21222324252627
28293031

Яндекс.Метрика

Այսօր Ապրիլյան պատերազմի հերոս Մերուժան Ստեփանյանի ծննդյան օրն է (տեսանյութ)

Այսօր Ապրիլյան պատերազմի հերոս Մերուժան Ստեփանյանի ծննդյան օրն է (տեսանյութ)

Այսօր Ապրիլյան պատերազմում զոհված ավագ լեյտենանտ Մերուժան Ստեփանյանի ծննդյան օրն է այսօր: 

Մերուժանը ծնվել է 1993 թվականին, ծնունդով գյումրեցի է, բնակվում էր Մուշ թաղամասում: Վազգեն Սարգսյանի անվան ռազմական ինստիտուտն ավարտելուց հետո պայմանագրային զինվորական ծառայության էր անցել Թալիշի զորամասում:Ավագ լեյտենանտը հերոսաբար զոհվել է Թալիշի մարտական դիրքերից մեկում:

Ծնողները վերջին անգամ Մերուժանի հետ խոսել են ապրիլի 2-ի առավոտյան.

«Վերջին անգամ որդուս հետ խոսել եմ ապրիլի 2-ին: Ասաց՝ մա՛մ, դու քեզ լավ նայի՛ր ու էլ չզանգես ինձ, մարտական հերթապահության եմ»,- պատմել է հերոսի մայրը:

Նունե Ստեփանյանի պատմելով՝ որդու և նրա զինվորների փամփուշտները վերջացել են: Չեն կարողացել պայքարել թշնամու դեմ.

«Տղաները պատմեցին, որ զոհվելուց առաջ Մերուժանիս մոտ վերջին փամփուշտներն են եղել: Զենք բերողին շրջափակման մեջ են առել, իսկ սպային գլխատել են: Գլուխը կապել են մեքենայից, իսկ զինվոր-վարորդին սպանել են: Ասում են՝ իմանային, որ Մերուժանը սպա է, իրան էլ կխոշտանգեին...»:

Մերուժան Ստեփանյանը զոհվեց մարտում, նրա հետ զոհվեցին նաև նույն դիրքը պահող Ռաֆիկ Հակոբյանը,Վիկտոր Յուզիխովիչն ու Աղասի Ասատրյանը։

Մերուժան Ստեփանյանը, Ռաֆիկ Հակոբյանը, Աղասի Ասատրյանն ու Վիկտոր Յազուխովիչը հետմահու պարգևատրվել են «Մարտական խաչ» 1-ին աստիճանի շքանշանով։

Նշենք, որ ապրիլյան քառօրյա պատերազմի ժամանակ զոհված զինծառայողներից 7-ը Գյումրիից էին: Վլադիմիր Մելքոնյան, Մերուժան Ստեփանյան, Ալեքսան Առաքելյան, Վիկտոր Յուզիխովիչ, Հրաչ Գալստյան, Գևորգ Վարդանյան, Տիգրան Աբգարյան: