«  Փետրվար 2023  »
ԵրկԵրքՉրքՀնգՈւրբՇբԿիր
  12345
6789101112
13141516171819
20212223242526
2728

Яндекс.Метрика

Եղիշե Կիրակոսյան. Հաագայի դատարանի որոշումներն իրավաբանորեն պարտադիր են

Եղիշե Կիրակոսյան. Հաագայի դատարանի որոշումներն իրավաբանորեն պարտադիր են

Դատարանի որոշումը Լաչինի միջանցքի հարցով առանցքային կարևորություն ունի, որովհետև դատարանի որոշումներն իրավաբանորեն պարտադիր են: «Հանրային հեռուստաընկերության» հետ զրույցում ասաց միջազգային հարցերով ՀՀ ներկայացուցիչ Եղիշե Կիրակոսյանը` անդրադառնալով ՄԱԿ–ի արդարադատության միջազգային դատարանի փետրվաէի 22-ի որոշմանը։

Եղիշե Կիրակոսյանի խոսքով` դատարանի որոշումն ուժի մեջ է մտնում այն հրապարակելու պահից,

«Դատարանի նախագահը, երբ ընթերցում էր որոշումը, շեշտեց, որ այն առաջացնում է իրավաբանական պարտավորություն։ Փաստացի ստացվում է, որ բացի եռակողմ պարտավորությունից, Ադրբեջանն ունի ևս մեկ իրավաբանական պարտավորություն` ապահովել Լաչինի միջանցքով, բեռների, անձանց անվտանգ տեղափոխումը երկու ուղղությամբ: Սա առանցքային կարևոր զարգացում է թե՛ անվտանգային, թե՛ իրավական առումով»,–ասաց Կիրակոսյանը։

Նրա խոսքով` որոշումը պետք է քաղաքական առումով օգտագործվի հայկական կողմից հնարավոր բոլոր հարթակներում։

Հարցին, որ եթե Ադրբեջանը չկատարի դատարանի պահանջը, ապա ի՞նչ կարող է հետևել դրան` Կիրակոսյանը պատասխանեց, որ դա նախ լավ արձագանք չի ունենա միջազգային հանրության կողմից.

«Ադրբեջանի կողմից նման որոշումների չկատարումն առաջացնելու է առնվազն երկրի հեղինակության խնդիր, նաև լուրջ բարդություններ։ Հայկական կողմն էլ պետք է ամեն ինչ անի՝ ադրբեջանական կողմին և միջազգային հանրությանն անընդհատ հիշեցնելու այս նոր պարտավորության մասին և, այդ դեպքում, չեմ կարծում, թե ադրբեջանական կողմի շահերից է բխում այս որոշումը չկատարելը»։

Կիրակոսյանի խոսքով` դատարանի որոշումն ուժի մեջ է մտնում այն հրապարակելու պահից։

Հիշեցնենք, որ ՄԱԿ-ի Արդարադատության միջազգային դատարանը երեկ՝ փետրվարի 22-ոն, մասամբ բավարարեց Ադրբեջանի դեմ միջանկյալ միջոց կիրառելու Հայաստանի դիմումը և միաձայն մերժեց 2023թ.հունվարի 4-ին Ադրբեջանի ներկայացրած միջանկյալ միջոցների պահանջը։

Նշենք՝ ՀՀ ԱԳՆ-ն կոչ է անում միջազգային գործընկերներին ապահովել միջազգային դատարանի որոշման կատարումը: