Փաշինյանն ու Մեդվեդևը առևտրատնտեսական համագործակցության հարցեր են քննարկել

Ռուսաստանի վարչապետ Դմիտրի Մեդվեդևը և ՀՀ վարչապետ Նիկոլ Փաշինյանը Մոսկվայում կայացած հանդիպման ժամանակ քննարկել են տնտեսական համագործակցությանը վերաբերող հարցեր: Այդ մասին հաղորդում է Ռուսաստանի կառավարության մամուլի ծառայությունը:

«Ռուսաստանի Դաշնության կառավարության ղեկավարի և Հայաստանի Հանրապետության վարչապետի միջև բանակցությունները տեղի են ունեցել հունվարի 25-ին Մոսկվայում: Հանդիպումը կայացել է հայկական կողմի խնդրանքով: Կառավարության ղեկավարները քննարկել են հայ-ռուսական առևտրատնտեսական համագործակցության արդի խնդիրները և փոխգործակցությանը վերաբերող այլ հարցեր»,- ասվում է հաղորդագրությունում: