Ռուսական կողմի միջնորդությամբ կրակը դադարեցվել է, ճշտված տվյալներ կան մեկ զոհվածի մասին
Հայաստանն ու Ադրբեջանը Ռուսաստանի պաշտպանության նախարար Սերգեյ Շոյգուի հետ բանակցությունների արդյունքում դադարեցրել են երկու երկրների սահմանին մեկնարկած մարտական բախումները։ Տեղեկությունը հայտնում է ՌԴ պաշտպանության նախարարությունը:
«Հեռախոսային բանակցությունների արդյունքում ադրբեջանական և հայկական կողմերը միջոցներ են ձեռնարկել իրավիճակը կայունացնելու ուղղությամբ։ Այժմ Քիլիսալի լեռան շրջանում մարտական բախումները դադարեցված են, իրադրությունը կարգավորվել է և գտնվում է հսկողության տակ», - ասված է հաղորդագրության մեջ:
Ըստ ՀՀ ՊՆ-ի Հայկական կողմը կորուստներ ունի։
Այս պահին ճշտված տվյալներ կան մեկ զոհի մասին՝ 1991թ. ծնված, պայմանագրային զինծառայող, շարքային Մերուժան Արթուրի Հարությունյան։
Վիրավորների թիվը նույնպես ճշտվում է
Եվս 12 զինծառայող գերեվարվել է։
Հիշեցնենք, որ նոյեմբերի 16-ին, ժամը 13։00-ի սահմաններում, Ադրբեջանի ԶՈՒ ստորաբաժանումները հարձակում են գործել սահմանի տվյալ ուղղությամբ տեղակայված հայկական դիրքերի վրա։ Հակառակորդը կիրառել է նաև հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։