«  Հոկտեմբեր 2020  »
ԵրկԵրքՉրքՀնգՈւրբՇբԿիր
   1234
567891011
12131415161718
19202122232425
262728293031

Яндекс.Метрика

Աննա Նաղդալյանի և Արման Թաթոյանի ասուլիսը՝ ուղիղ

Աննա Նաղդալյանի և Արման Թաթոյանի ասուլիսը՝ ուղիղ

ՀՀ ԱԳՆ խոսնակ Աննա Նաղդալյանի և Մարդու իրավունքների պաշտպան Արման Թաթոյանի ասուլիսը։

Թուրքիայի կողմից Սիրիայից և Լիբիայից զինյալ վարձկանների տեղափոխումը Ադրբեջան` ունի հեռահար նպատակներ և կործանարար հետևանքներ կունենա ոչ միայն Հարավային Կովկասի համար։ Լրագրողների հետ ճեպազրույցում այսպիսի կարծիք հայտնեց ՀՀ ԱԳՆ մամուլի խոսնակ Աննա Նաղդալյանը։

«Թուրքիայի սադրիչ այս քաղաքականությունը տեղավորվում է վերջին տարիներին իր վարած քաղաքականության տրամաբանության մեջ` ահաբեկիչ զինյալները, իսլամիստ արմատականները, ջիհադիստները դարձել են Թուրքիայի վարձկաններ և լայնորեն կիրառվում են` նախագծելու Թուրքիայի ներկայիս ղեկավարության շահերը և ազդեցությունը արտահանելու այլ տարածաշրջաններ»,– նշեց Նաղդալյանը։

Նրա խոսքով` Ադրբեջանն ընդամենը Թուրքիայի ներկայիս քաղաքականությանը ծառայելու միջոց է։ Ադրբեջանի տարածքը կօգտագործվի որպես ահաբեկիչների տեղակայման վայր, ժամանակի ընթացքում Ադրբեջանն ու տարածաշրջանը կվերածվեն արյունահեղության դաշտի։

Հայստանը որոշել է հետ կանչել Իսրայելում ՀՀ արտակարգ և լիազոր դեսպանին՝ լրագրողների հետ հանդիպմանը հայտնեց  Աննա Նաղդալյանը։

«Երբ միջազգային ողջ հանրությունը կոչ է անում Ադրբեջանին դադարեցնել ռազմական գործողությունները, իսրայելական կողմը շարունակում է զենքի մատակարարումները Ադրբեջան»,– ասաց նա։

Իսրայելի այս գործելաոճը, ՀՀ ԱԳՆ խոսնակի բնորոշմամբ, անընդունելի է Հայաստանի համար, ինչի հետևանքով էլ Հայաստանը որոշել է հետ կանչել Իսրայելում իր դեսպանին։

Flightradar24 հարթակում երևում է, որ ադրբեջանական Silk way airlines ավիաընկերության (որի մասնաբաժինների զգալի հատվածը պատկանում է Իլհամ Ալիև դուստր Արզու Ալիևային) երկու տարբեր բեռնափոխադրող ինքնաթիռթռիչքներ են իրականացնում դեպի Իսրայել կամ Իսրայելից հետ․