Դեսպան Կոպիրկինը` Գեղարքունիքում ռուս սահմանապահների տեղակայման հարցի մասին

Պաշտոնական 22.06.2021   12:00   118

Հայաստանում Ռուսաստանի դեսպան Սերգեյ Կոպիրկինը, մեկնաբանելով Գեղարքունիքի մարզպետ Գնել Սանոսյանի հայտարարությունը, որ մոտ օրերս հայ-ադրբեջանական սահմանի Գեղարքունիքի հատվածում ռուս սահմանապահներ կտեղակայվեն, խորհուրդ է տվել սպասել։ Տեղեկությունը հայտնում է armeniasputnik-ը:

«Սյունիքում արդեն իսկ ռուսական սահմանապահների դիրքեր կան` հայ–ադրբեջանական սահմանի վիճելի հատվածներում։ Իսկ ինչ վերաբերում է հետագա քայլերին, ապա սպասել է պետք»։

ՀՀ ԶՈւ գլխավոր շտաբի պետ Արտակ Դավթյանն էլ իր հերթին լրագրողների հետ զրույցում նշել է, որ Գեղարքունիքի հատվածում ռուս զինծառայողների տեղակայման հարցի առնչությամբ քննարկումներ են գնում։ Սակայն, ըստ նրա, վերջնական որոշում դեռ չի կայացվել։

Հիշեցնենք՝ ադրբեջանցի զինվորականները մայիսի 12-ից Հայաստանի Սյունիքի մարզի Սև լճի տարածքում և Գեղարքունիքի մարզի Կութ, Նորաբակ ու Վերին Շորժա գյուղերի սահմանային տարածքներում ներխուժել են ՀՀ ինքնիշխան տարածք ու փորձում են ամրապնդվել այնտեղ։ 

Մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից սպանվել է զինծառայող, կրտսեր սերժանտ Գևորգ Խուրշուդյանը:

 Լուսանկարներ

  Կիսվեք սոցցանցերում


 Պիտակներ
         Սերգեյ Կոպիրկին, ՌԴ ԶՈՒ, սահման, Գեղարքունիք, Գևորգ Խուրշուդյան

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon