Հայաստանում կորոնավիրուսի հաստատված դեպքերի թիվը հասել է 190- ի
Հայաստանում մարտի 22-ին՝ ժամը 10:00-ի դրությամբ նոր կորոնավիրուսով վարակվելու 190 դեպք է գրանցվել, հայտնում է ՀՀ ԱՆ հիվանդությունների վերահսկման և կանխարգելման ազգային կենտրոնի պաշտոնական կայքը։
Հիշեցնենք, որ երեկ՝ մարտի 21-ին, հաղորդված վերջին տվյալների համաձայն՝ գրանցվել էր կորոնավիրուսի 160 դեպք, ինչից հետո դեպքերի թիվն աճել է 30-ով:
Հիվանդանոցից դուրս է գրվել կորոնավիրուսային հիվանդությունից ապաքինված երկրորդ պացիենտը, մարտի 21-ին հաղորդել էր Հայաստանի առողջապահության նախարար Արսեն Թորոսյանը:
«Առողջություն եմ ցանկանում մնացած բոլոր պացիենտներին և շնորհակալություն հայտնում մեր համաճարակաբաններին և վարակաբաններին իրենց աշխատանքի համար:Մնացած մեր քաղաքացիներին կոչ եմ անում պահպանել անձնական պաշտպանության բոլոր միջոցները, ինչպես նաև արտակարգ դրության կանոնները», գրել էր Թորոսյանը: