Հռոմի Ֆրանցիսկոս պապի հրամանագրով փետրվարի 27-ը կնշվի որպես Գրիգոր Նարեկացու հիշատակի օր

Աշխարհ 03.02.2021   12:00   145

Ն.Ս․Ֆրանցիսկոսի հրամանագրով Հռոմեական գլխավոր օրացույցում փետրվարի 27-ը կնշվի որպես Տիեզերական եկեղեցու վարդապետ Սուրբ Գրիգոր Նարեկացու հիշատակի օր։ Այն կներառվի աշխարհով մեկ սփռված կաթողիկե եկեղեցիների տոնացույցերում, կնորացվեն պատարագի գրքերը և ժամերգության տեքստերը։ Տեղեկությունը հայտնում է Սուրբ Աթոռում Հայաստանի դեսպանությունը:

Ինչպես հայտնի է, դեռևս 2015թ. փետրվարի 23-ին Հռոմի Պապը հայ միջնադարյան հոգևորական, աստվածաբան, բանաստեղծ Սուրբ Գրիգոր Նարեկացուն շնորհել էր «Տիեզերական եկեղեցու վարդապետ» տիտղոսը: Ֆրանցիսկոս Պապն այդպիսով հաստատել է Սուրբ Աթոռի Սրբերի հարցերով միաբանության ընդունած որոշումը, ըստ որի Նարեկացին արժանի էր ճանաչվել եկեղեցական մեծագույն պարգևին:

 Լուսանկարներ

  Կիսվեք սոցցանցերում


 Պիտակներ
         Գրիգոր Նարեկացի, փետրվարի 27, Հռոմի Ֆրանցիսկոս Պապ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon