Ինչպես են 61 օր գոյատևել Արցախում հայտնաբերված հայրն ու որդին

Արցախ 22.12.2020   13:00   154

 Որոնողափրկարարական աշխատանքների արդյունքում հայտնաբերված 2 քաղաքացիական անձինք՝  հայր և որդի Միքայել ու Գեղամ Պետրոսյանները, 61 օր գոյատևել են անտառում: Այս մասին «Արմենպրես»-ի հետ զրույցում տեղեկացրեց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը:

«Նրանք Հադրութի բնակիչներ են: Որդին՝ Գեղամ Պետրոսյանը, հմուտ որսկան է: Տեղանքի իմացությունը նրան հնարավորություն է տվել անտառում թաքստոց գտնել և այնտեղ տեղափոխել նաև հորը:

Գեղամը պատմել է, որ անձամբ լավ գիտեր Արցախի վերահսկողության տակ գտնվող տարածքի անվտանգ ճանապարհը, սակայն հայրը տեղաշարժման խնդիրներ ուներ: Ուստի ստիպված են եղել անտառային թաքստոցում պատսպարվել և սպասել փրկարարներին:

Այս ընթացքում գոյատևելու համար որդին  կարողացել է մոտակա  գյուղ հասնել՝  սնունդ՝ մասնավորապես պահածոներ, հայթայթելու համար»,-մանրամասնեց Թադևոսյանը՝ հավելելով, որ ռուս խաղաղապահների և Կարմիր խաչի միջազգային կոմիտեի ներկայացուցիչների ուղեկցությամբ նրանք տեղափոխվել են Ստեփանակերտ և այժմ բժիշկների վերահսկողության տակ են:

Նշենք՝ նոյեմբերի 13-ից մինչև դեկտեմբերի 21-ն ընկած ժամանակահատվածում, ադրբեջանական վերահսկողության տակ գտնվող տարածքից ընդհանուր առմամբ, ողջ հայտնաբերվել է 9 անհետ կորած. յոթը եղել են զինծառայող,  նրանցից 1-ը նոյեմբերի 14-ին հայտնաբերվել է Շուշիի տարածքից:

 Լուսանկարներ

  Կիսվեք սոցցանցերում


 Պիտակներ
         հայր և որդի Պետրոսյաններ, ԼՂ, Արցախ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon