Մարտերում զոհված, հաշմանդամություն ձեռք բերած, անհետ կորած անձանց վարկային պարտավորությունները կներվեն

Պաշտոնական 28.10.2020   13:30   146

ՀՀ ֆինանսների նախարարի տեղակալ Արման Պողոսյանն այսօր հրավիրված մամուլի ասուլիսում անդրադարձավ ԱԺ-ի ընդունած փոփոխություններին՝ ուղղված մարտական գործողությունների հետևանքով զոհված, անհետ կորած կամ հաշմանդամություն ձեռք բերած անձանց վարկային պարտավորությունները ներելուն: Տեղեկությունը հայտնում է 1lurer.am-ը:

Փոխնախարարը նշեց, որ օրինագիծը հնարավորություն է ընձեռում, որ բանկերն ու վարկային կազմակերպությունները՝ առանց հարկային հետևանքներ կրելու, կարողանան ներել ռազմական գործողությունների հետևանքով զոհված, հաշմանդամություն ձեռք բերած կամ անհայտ կորած համարվող անձանց, նաև նրանց հետ առաջնահերթորեն փոխկապակցված անձանց՝ ամուսնու, համատեղ ապրող ծնողի ու զավակի վարկային պարտավորությունները:

«Այս նախաձեռնությունը տարբերվում է նրանով, որ խոսքը ոչ միայն վերաբերում է տույժերին ու տուգանքներին, այլև վարկային պարտավորությանն առհասարակ, այսինքն՝ նաև վարկի մայր գումարին: Նպատակը շատ պարզ է. շահառու համարվող անձանց կամ նրանց հետ փոխկապակցված անձանց անմիջապես ազատել վարկային պարտավորություններից»,- նշեց Պողոսյանը:

 Լուսանկարներ

  Կիսվեք սոցցանցերում


 Պիտակներ
         վարկեր, ֆիննախ, զոհված, Արման Պողոսյան, անհետ կորածհաշմանդամ, զինվորներ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon