ՄԻՊ. Քրեական գործեր հարուցելու ցուցում տալու լիազորությունը չի մտնում վարչապետի գործառույթների մեջ

Պաշտոնական 05.04.2019   13:33   367

«Քրեական դատավարության օրենսգիրքն ունի սուբյեկտների հստակ շրջանակ այն մասին, թե ով ինչ ցուցում կարող է տալ»,-լրագրողների հետ հանդիպմանն այսօր անդրադառնալով Նիկոլ Փաշինյանի գրառմանը՝ ասաց ՀՀ Մարդու իրավունքների պաշտպան Արման Թաթոյանը:

Լրագրողները հետաքրքրվեցին՝ «վարչապետն ունի՞ լիազորություն ցուցում տալու, որ որևէ անձի դեմ քրեական հետապնդում սկսվի»: 

Արման Թաթոյանը պատասխանեց, որ մանրամասն ծանոթ չէ գրառմանը, իսկ լրագրողի կողմից դրա ընթերցումը լսելուց հետո նշեց. 

«Քրեական դատավարության օրենսգիրքը քրեական գործ հարուցելու ցուցում տալու լիազորություն վերապահում է բացառապես դատախազին, և ոչ վարչապետին»:

Արման Թաթոյանի խոսքով՝ գուցե վարչապետն այլ իմաստով է ձեւակերպել իր նախադասությունը, բայց ինքը չի կարող Փաշինյանի փոխարեն ստուգաբանել վերջինիս գրառումը: 

 Լուսանկարներ

  Կիսվեք սոցցանցերում


 Պիտակներ
         Նիկոլ Փաշինյան, Արման Թաթոյան

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon