Նոյեմբերի 16-ին գերեվարված զինծառայողներից 4-ի վերաբերյալ դիմումներ են ուղարկվել ՄԻԵԴ (տեսանյութ)
Նոյեմբերի 16-ին գերեվարված զինծառայողներից 4-ի վերաբերյալ դիմումներ են ուղարկվել ՄԻԵԴ
Նոյեմբերի 16-ից Սյունիքի մարզի սահմանային հատվածից գերեվարված զինծառայողներից չորսի վերաբերյալ դիմումներն իրավապաշտպաններն այսօր արդեն ուղարկել են Մարդու իրավունքների Եվրոպական դատարան (ՄԻԵԴ)։ Ակնկալում են, որ մի քանի օրվա ընթացքում Եվրադատարանը հրատապ միջոցներ կկիրառի և կդիմի Բաքվին՝ տեղեկատվություն խնդրելով ադրբեջանական զինուժի կողմից օրերս գերեվարվածների մասին։
«Դրանք արդեն ուղարկված են, արտակարգ ռեժիմով քննվելու են, և մենք այդ գործերը ֆաքս ենք անում, ինչը դատարանի համար թույլատրվում է՝ հաշվի առնելով հարցի կարևորությունը: Ընդհանրապես սեղմ ժամկետում, օրինակ, 24 ժամվա կամ 48 ժամվա ընթացքում է դատարանը պատասխան տալիս, առանձին դեպքերում կարող են տևել 5-7 օր, բայց մեր պրակտիկան հաշվի առնելով, մենք ակնկալում ենք, որ, օրինակ, երկուշաբթի օրը արդեն կունենանք դատարանի որոշումը», - ասաց իրավապաշտպան Սիրանուշ Սահակյանը: