Պատերազմից վեց ամիս անց էլ Դատաբժշկական գիտագործնական կենտրոնի անձնակազմը աշխատում է 24 ժամ

Պաշտոնական 01.05.2021   10:00   90

Պատերազմից վեց ամիս անց Մեծամորի դիահերձարանի բակում դեռ կանգնած են զոհված զինծառայողների մարմիններով ու մասունքներով սառնարան-մեքենաները. երեք մեքենաներ են, մեկը դատարկ է, տղաների մարմինները ԴՆԹ փորձաքննություններով նույնականացվել ու ծնողները տարել են: Կան մարմիններ, որոնց ինքնությունը գենետիկական հետազոտությամբ պարզվել է, իսկ ծնողները համակերպվել հրաժարվում են:

80 զինծառայողի մարմին չի նույնականացվել և առաջիկայում նմուշները կուղարկվեն արտերկիր գենետիկական փորձաքննության, տեղեկացրին Քննչական կոմիտեց։

Պատերազմից ի վեր Դատաբժշկական գիտագործնական կենտրոնում 3723 փորձաքննություն է իրականացվել, այստեղ հարազատներից վերցված ԴՆԹ նմուշների միջոցով նույնականացնում ու պարզում են զոհվածի ինքնությունն ու արյունակցական կապը։ Այս ամսվա սկզբի տվյալով 238 մարմին ու մասունք դեռ նույնականացված չէ։ Կան ծնողներ, որ չհամակերպվելով հնարավոր կորստի հետ ԴՆԹ նմուշ այդպես էլ չեն հանձնում, կան ծնողներ, որ նույնականացումից հետո էլ չեն հավատում, ու կենտրոնի բոլոր սարքերն ու անձնակազմը հետպատերազմական առաջին ամիսների պես, հիմա էլ աշխատում են 24 ժամ:

«Վերջին մեկ ամսվա ընթացքում մենք ունենք բավականին ծնողներ, որոնք կրկնակի, եռակի և քառակի են հանձնում: Մի մասին տվել ենք արդեն նույնականացում, չեն հավատում, կրկնակի են հանձնում: Ներկայումս մենք ունենք շատ դեպքեր, երբ որ հանձնում են քույրեր, եղբայրներ, հորեղբայրներ», - ասաց ​մոլեկուլային գենետիկայի փորձագետ Դիանա Հարությունյանը:

Նոր մասունքներ այժմ ավելի քիչ են հայտնաբերվում, այս ամսին Արցախի փրկարարները 25 մասունք են հայտնաբերել, սա չի ենթադրում 25 զինծառայողի մարմին:
Մեծամորի դիահերձարանի սենյակներից մեկի պատին զինվորների դեմքեր են, նրանց մարմնի նշանները առանձին խոշոր պլանով՝ խալեր, դաջվածքներ. թագ, խաչ՝ այս պատկերներով դաջվածքներն են շատ:

Ամբողջական՝ «Ազատության» տեսանյությում

 Լուսանկարներ

  Կիսվեք սոցցանցերում


 Պիտակներ
         պատերազմ Արցախում, ԴՆԹ, Մեծամորի դիահերձարան, աճյուն, մասունքներ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon