Աթանեսյան. Երևանը 44 օր արցախցի կարիքավորներին էր խնամում և տագնապում պատերազմի դժոխքում իր զավակների համար
ԼՂՀ ԱԺ Արտաքին հարաբերությունների հանձնաժողովի նախկին նախագահ Վահրամ Աթանեսյանը ֆեյսբուքի իր էջում գրում է.
«Ֆեյսբուքում հիմարություն եմ կարդում՝ «աստված չորս վայրկյան ցնցեց երեւանցուն, որպեսզի իմանա, թե արցախցին քառասունչորս օր ինչ է ապրել»:
Նախ՝ սեպտեմբերի 28-29-ից Արցախի ութսուն տոկոսն արդեն Երեւանում եւ Հայաստանի այլ քաղաքներում եւ գյուղերում էր:
Երկրորդ, հազարավոր երեւանցի տղաներ՝ ժամկետայիններ, զորահավաքով պատերազմ կանչվածներ, կամավորականներ բժիշկներ, փրկարարներ, լրագրողներ եւ այլն եւ այլն Արցախում էին:
Եւ Երեւանը քառասունչորս օր մի կողմից արցախցի կարիքավորներին էր խնամում, մյուս կողմից՝ տագնապում պատերազմի դժոխքում իր զավակների համար եւ դեռ կարողանում ներել արցախցի հաստավիզների շահատակությունները:
Ամոթ է, փակեք էդ հիմարության էջը»: