Արցախ
Ադրբեջանցիները հանել են Շուշիի Ղազանչեցոց եկեղեցու գմբեթները
Ադրբեջանցիները հանել են Շուշիի Ղազանչեցոց եկեղեցու գմբեթները
Մայիսի 9 -ին ընդառաջ ադրբեջանցիները հանել են Շուշիի Ղազանչեցոց Ամենափրկիչ եկեղեցու գմբեթները։ Տեղեկությունը ֆեյսբուքի իր էջում հայտնել է Արցախի ներքին գործերի նախարարության տեղեկատվության և հասարակայնության հետ կապերի բաժնի պետ Հունան Թադևոսյանը և անգմբեթ վանքի լուսանկարը հրապարակել։
«Ձեր դժբախտությունը ձեր ուղեղի մեջ է, դժգունությունը` թրքահպատակության և ապիկարության։ Դուք այդպես էլ չհասկացաք մեր հոգու ցավը»,- գրել է նա։
Թադևոսյանը տեղեկացրել է, որ լուսանկարը մի քանի օր առաջ է նկարել։
Հիշեցնենք, որ 44-օրյա պատերազմից հետո նոյեմբերի 9–ին ընդունված եռակողմ հայտարարությամբ Շուշի բերդաքաղաքը հանձնեցին Ադրբեջանին։