ԱԳՆ խոսնակ. Հայաստանի և Ադրբեջանի ԱԳ նախարարները համաձայնել են հանդիպել

ԵԱՀԿ Մինսկի խմբի համանախագահներն առաջարկել են ՄԱԿ-ի Գլխավոր ասամբլեայի 74-րդ նստաշրջանի շրջանակներում կազմակերպել Հայաստանի և Ադրբեջանի արտգործնախարարների հանդիպում, որը տեղի կունենա Նյու Յորքում սեպտեմբերի վերջին:

Սեպտեմբերի 13-ին  ՀՀ ԱԳՆ մամուլի խոսնակ Աննա Նաղդալյանը հայտարարեց, որ կողմերը համաձայնել են, որ հանդիպումը կկայանա:: Սակայն հանդիպման ամսաթվի և վայրի մասին մամուլի խոսնակը չհայտնեց: Նա հիշեցրեց, որ Հայաստանը հակված է պայմանավորվածությանը, ըստ որի՝ հանդիպման մասին հայտնում է հակառակ կողմի հետ միաժամանակ: