Արցախ
Արցախի ՄԻՊ. Ադրբեջանն այն երկիրը չէ, որին կոչերով հնարավոր է կանգնեցնել
Արցախի մարդու իրավունքների պաշտպան Գեղամ Ստեփանյանը հայտարարում է, որ կոչերով հնարավոր չէ կանգնեցնել Ադրբեջանին, ինչպես եղավ նաև արցախյան երկրորդ պատերազմի ժամանակ:
«Բազմաթիվ կոչեր են հնչել նաև 44-օրյա պատերազմի ժամանակ, սակայն դա չի կանխել Ադրբեջանի ռազմական հանցագործությունները», - Թվիթերում գրել է Արցախի ՄԻՊ-ը՝ նշելով. «Բռնապետական Ադրբեջանն այն երկիրը չէ, որին կոչերով հնարավոր է կանգնեցնել։ Բռնապետությունն ու Ալիևի հանցագործ ռեժիմը պետք է պատժվի։ Վերջակետ»:
Հիշեցնենք՝ դեկտեմբերի 12-ի առավոտից փակ է Հայաստանն Արցախին կապող միակ ճանապարհը: