Արցախում անցնում են պարենային ապրանքների կտրոնային համակարգին

Հունվարի 17-ից Արցախում կտրոններ կտրամադրվեն քաղաքացիներին, իսկ խանութներից գնումներ կարող են կատարվել հունվարի 20-ից։

Քարտերը լինելու են երկու տեսակի.
1. Արևածաղկի ձեթ գնելու համար՝ 1 լիտր մեկ անձի համար, առանց տարիքային սահմանափակման:
2. Մակարոնեղենի, բրինձի, շաքարավազի և հնդկաձավարի ձեռքբերման դեպքում՝ ամսական 1 կգ-ից / 1 անձի համար, սակայն կվաճառվի 0,5 կգ-ով 15 օրվա համար։

Հերթերից խուսափելու համար կտրոնների վրա գրվելու է ապրանքների վաճառքի կոնկրետ ամսաթիվ: Յուրաքանչյուր անձ կարող է հավաքել ամբողջ ընտանիքի անձնագրերը և ստանալ կտրոններ ամբողջ ընտանիքի համար։

Արցախում գտնվող քաղաքացիություն չունեցող քաղաքացիները նույնպես կարող են կտրոններ ստանալ՝ նախապես գրանցվելով։

Աղբյուր:

Արցախի պետնախարարի աշխատակազմից հայտնել են, որ կտրոնային համակարգը հնարավորություն կտա առավելագույնս համաչափ բաշխել առկա պարենային ապրանքները: Սկզբնական շրջանում այն նախատեսվում է կիրառել առաջնային նշանակության մի քանի ապրանքատեսակի համար:

«Շրջափակման դժվարությունները չեն կոտրել մարդկանց ոգին: Սակայն կան հրատապ խնդիրներ, որոնց պետք է առաջնային կարգով լուծումներ տրվեն», -ասել է Ռուբեն Վարդանյանը:

Հիշեցնենք՝ դեկտեմբերի 12-ի առավոտից փակ է Հայաստանն Արցախին կապող միակ ճանապարհը։