Լևոն Զուրաբյան. Հայաստանում կա միայն մեկ քաղաքական ուժ, որը Ֆեյսբուքում պայքարը դարձրել է կյանքի նպատակ
Նոյեմբերի 4֊ին իմ հանրային էջը ենթարկվել է հաքերային հարձակման։ Անհայտ անձինք, կոտրելով էջի ադմիններից մեկի Ֆեյսբուքյան օգտահաշիվը, օգտագործել են այն ֆեյք ադմին ավելացնելու նպատակով։ Սույն ֆեյք ադմինը ջնջել է իմ բոլոր ստատուսներն ու հարցազրույցները ԱԺ վերջին ընտրություններից ի վեր։
Թե ում էին խանգարում ապրել այդ ստատուսները եւ հարցազրույցները, կարծում եմ, երկար կռահելու խնդիր չէ։ Հայաստանում կա միայն մեկ քաղաքական ուժը, որը Ֆեյսբուքում պայքարը դարձրել է կյանքի նպատակ, այն վեր դասելով հայրենիքի անվտանգությունից, բարոյականությունից եւ ընդհանրապես որեւէ հիմնարար արժեքից։
Շատ նեղվելու բան չկա, վերականգնման աշխատանքները սկսված են։ Միայն մի բանի համար իմ տեղը չեմ գտնում` թե ինչու էին որպես պրոֆիլի նկար դրել Ռոնալդոյի նկարը։ Չէ´ որ ես աշխարհի պատմության մեջ լավագույն ֆուտբոլիստ համարում եմ Մեսսիին։
ՀԱԿ փոխնախագահ Լևոն Զուրաբյան