Լևոն Զուրաբյան. ՀՀ-ն բանակցությունների «մենյուում» էր․ ամենավատ առաջարկը՝ այլանդակ բանակցությունների արդյունքում
- 2019-ի հունիսին Փաշինյանը մերժեց Մինսկի խմբի խաղաղության պլանը, որով պահպանում էինք Լեռնային Ղարաբաղը, Լաչինն ու Քելբաջարը առանց որևէ «Զանգեզուրի միջանցքի»:
- 2020-ի հոկտեմբերի 8-ին Փաշինյանը մերժեց կարգավորման պլանը, որով պահպանում էինք Լեռնային Ղարաբաղը, և Լաչինը:
- 2020-ի հոկտեմբերի 20-ին Փաշինյանը մերժեց կարգավորման պլանը, որով պահպանում էինք Լեռնային Ղարաբաղն առանց Շուշիի:
- 2020-ի նոյեմբերի 9-ին Փաշինյանը համաձայնեց կարգավորման պլանի, որով պահպանում էինք Լեռնային Ղարսբաղն առանց Շուշիի ու Հադրութի, բայց պետք է Մեղրիի վրայով ադրբեջանական հաղաղորդակցության անվտանգության վերահսկումը հանձնեինք ռուսներին, սակայն հետագայում դա էլ մերժեց:
- Հիմա Փաշինյանն համաձայնեց կարգավորման պլանի, որում բավարարված են Ադրբեջանի բոլոր պայմանները` Զանգեզուրյան միջանցքով հանդերձ, բայց միևնույնն է առայժմ ստացել ենք միայն խաղաղության խոստում:
Փաստորեն 6 տարվա արտաքին քաղաքականությունը Հայաստանին բերեց կարգավորման ամենավատ տարբերակին, որ Փաշինյանը փորձում է ներկայացնել որպես նվաճում ու խիզախություն:
Երկու տարբերակ է հնարավոր այսուհետև.
1. TRIPP միջանցքի իրականացման շուրջ սկսում է աշխարհաքաղաքական հակամարտություն Հայաստանի համար շատ տխուր հետևանքներով:
2. Ռուսաստանը և Իրանը չեն գտնում Կովկասից մեկուսացվելու հեռանկարներին դիմադրելու բավարար ռեսուրս, և խաղաղության այս պլանը ամրապնդվում է: Այս դեպքում, Հայաստանյան ցանկացած պատասխանատու քաղաքական ուժ իր հավատարմությունն է հայտնելու Հայաստանի կողմից ստանձնած միջազգային պարտավորություններին, և Նիկոլ Փաշինյանն այլևս չի կարողանա օգտագործել իշխանությունը պահելու իր գլխավոր գործիքը` սեփական ժողովրդին Ադրբեջանի կողմից սանձազերծվելիք պատերազմով սպառնալը:
Ամբողջական՝ Euromedia24.com -ի տեսանյութում