Ադրբեջանի «փառապանծ» բանակի, որի մասին շատ են սիրում խոսել Ադրբեջանի նախագահ Իլհամ Ալիևը և պաշտպանության նախարար Զաքիր Հասանովը, զորատեսակներից ոչ մեկը բարձր մարտունակություն և արդյունավետություն չի դրսևորել։ Նման գնահատական տվեց Ճգնաժամային տեղեկատվական կենտրոնի պաշտոնական ներկայացուցիչ Արծրուն Հովհաննիսյանը` հավելելով, որ անգամ «ամենափառապանծ» հատուկ նշանակության զորքերը իրենց արդյունավետությունը չեն դրսևորել։
«Տակը մնում են ԱԹՍ-ները, որոնք էլ շատ թանկ են։ Դրանք ձեռք են բերվում հիմնականում Իսրայելից։ Ադրբեջանը կարծես թե բացառապես օգտագործում է իսրայելական ԱԹՍ-ներ, և այդ ԱԹՍ-ները շատ թանկ են, բայց արդյունավետություն ցույց չեն տալիս ու, ըստ էության կտրվում է Ադրբեջանի հասարակ ժողովրդի չափաբաժնից»-ասաց Հովհաննիսյանը։