Սամվել Բաբայանը հայտնեց տասը զինծառայողի զոհվելու մասին
Արցախի Հանրապետության անվտանգության խորհրդի քարտուղար Սամվել Բաբայանի տեղեկություններով՝ արցախա-ադրբեջանական սահմանին մարտական գոծողությունների ընթացքում տասը զինծառայող է զոհվել: «Արմենպրես»-ի հաղորդմամբ` այս մասին Բաբայանն ասաց լրագրողների հետ զրույցում:
«Իմ մոտ եղած տեղեկությունների համաձայն՝ տասը հոգի զոհ ունենք, զինվորական»,- ասաց Բաբայանը:
Թարմացված
Պաշտոնական Ստեփանակերտը հերքում է 10 զոհերի մասին տեղեկությունը:
Թարմացված
Շենք-շինությունների զգալի ավերածություններ կան Ստեփանակերտում և Արցախի մի շարք այլ բնակավայրերում, քիչ առաջ տեղի ունեցած ճեպազրույցի ժամանակ տեղեկացրեց ՊՆ ներկայացուցիչ Արծրուն Հովհաննիսյանը: Հայկական զինված ուժերի կորուստների վերաբերյալ նա ստույգ տեղեկություն չհրապարակեց՝ խնդրելով սպասել պաշտոնական տեղեկություններին: «Ճշտող մեխանիզմները պետք է մինչև վերջ կիրառվեն, ինտենսիվ մարտեր գնում են, զոհեր կան, սակայն պաշտոնական հայտարարություններ կլինեն ավելի ուշ»,- ասաց նա: