«  Նոյեմբեր 2022  »
ԵրկԵրքՉրքՀնգՈւրբՇբԿիր
 123456
78910111213
14151617181920
21222324252627
282930

Яндекс.Метрика

ԱՎ վարչությունը ID քարտեր չի տրամադրում, ինչի արդյունքում խաթարվել է որոշակի ոլորտների գործունեությունը. Վանո Կարապետյան

ԱՎ վարչությունը ID քարտեր չի տրամադրում, ինչի արդյունքում խաթարվել է որոշակի ոլորտների գործունեությունը. Վանո Կարապետյան

Մոտ 1 ամիս է ինչ ՀՀ ոստիկանության անձնագրային և վիզաների վարչությունը ՀՀ քաղաքացիներին չի տրամադրում նույնականացման քարտ (ID)։ Ըստ Անձնագրային և վիզաների վարչության` իրենց մոտ չկա նույնականացման քարտերի համապատասխան խմբաքանակ` քաղաքացիներին տրամադրելու համար։ ՀՀ ոստիկանության անձնագրային և վիզաների վարչությունը քաղաքացիներին խորհուրդ է տալիս սպասել մինչև նոյեմբերի 30-ը` նույնականացման քարտ ստանալու համար։

Վերջին մեկ ամսվա ընթացքում հազարավոր տնտսվարողներ, իրավաբանական անձիք ինչպես նաև պետական ու մասնավոր սեկտորում գործունեություն ծավալող բազմաթիվ քաղաքացիներ կանգնել են հետևյալ անլուծելի խնդրի առջև.
1) Տնտեսվարողները և իրավաբանական անձիք չեն կարողանում ժամանակին փոխանցել իրենց աշխատողների աշխատավարձերը քանի-որ փոխանցումները իրականացվում են բացառապես նույնականացման քարտի օգտությամբ` էլ. եղանակով։

2) Տնտեսվարողները և իրավաբանական անձիք չեն կարողանում ժամանակին կատարել իրենց հարկային պարտավորությունները քանի-որ նմանօրինակ գործարքները կատարվում են բացառապես էլ. եղանակով հատուկ ծրագրով, որը այլ տարբերակով չի աշխատում։

3) ՊՈԱԿ-ների, ՀՈԱԿ-ների և այլ պետական կառույցների տնօրենները նույնականացման քարտ չունենալու կամ քարտի ժամկետի վերջանալու պատճառով չեն կարողանում նույնիսկ վճարել իրենց կոմունալները և կա ռիսկ, որ կարող են լինել դպրոցներ, մանկապարտեզներ և նմանօրինակ այլ հաստատություններ որոնք կունենան գազի, ջրի և հոսանքների անջատումների հետ կապված խնդիրներ։

ԱՄՓՈՓՈՒՄ
ՀՀ ոստիկանության անձնագրային և վիզաների վարչությունը սահմանված ժամկետում քաղաքացիներին չտրամադրելով նույնականացման քարտեր (ID) կաթվածահար է արել հետևյալ ոլորտների բնականոն գործունեությունը. 
1) Կրթական ոլորտ
2) Առողջապահական ոլորտ
3) Տնտեսական ոլորտ:

Պատմաբան, կրթության փորձագետ Վանո Կարապետյան