ԱԱԾ. Որոտանի մոտ ադրբեջանցիները ստուգում են Հայաստան մտնող բեռնատարները (տեսանյութ)

Պաշտոնական 13.09.2021   10:00   94

«Սեպտեմբերի 12-ին, ժամը 12։00-ից Գորիս-Կապան միջպետական ճանապարհի Որոտան բնակավայրի մոտ Ադրբեջանի վերահսկողության տակ գտնվող Էյվազլի բնակավայրի հատվածում, Ադրբեջանի Հանրապետության ոստիկանության կողմից իրականացվում է իրանական պետհամարանիշներով բեռնատարների վարորդների ու բեռի փաստաթղթերի ստուգում։

ՀՀ ազգային անվտանգության ծառայության սահմանապահ զորքերի և ՌԴ ԱԴԾ սահմանապահ ծառայության զինծառայողների կողմից համատեղ աշխատանքներ են իրականացվում առաջացած իրավիճակը կարգավորելու ուղղությամբ։ Տեղեկությունը հայտնում է ՀՀ ԱԱԾ-ն:

Orer.am-ի փոխանցմամբ, «Ադրբեջանցի սահմանապահ ոստիկանները, Որոտանում դրված իրենց անցակետում, պարսկական բեռնատար մեքենաներից 50 000 դրամի համարժեք գումար են պահանջում, որպեսզի թույլ տան անցնել ճանապարհը»:

Բաքուն անդրադարձել է Գորիս-Կապան ճանապարհին տեղադրված ոստիկանական կետին:

«Ներքին գործերի նախարարության աշխատակիցները արժանապատվորեն կատարում են իրենց ծառայողական պարտականությունները։ Համապատասխան վայրերում ծառայությունն առավել արդյունավետ կազմակերպելու համար տեղադրվում են ոստիկանական կետեր։ Ադրբեջանի ՊՆ-ն նամակներ է ուղարկել Ռուսաստանի Դաշնության պաշտպանության նախարարություն ու խաղաղապահ ուժերի հրամանատարությանը՝ Ադրբեջանի տարածքով այլ երկրների տրանսպորտային միջոցների անօրինական երթևեկության կապակցությամբ, այն տարածքով, որտեղ ժամանակավորապես տեղակայված են ռուսաստանյան խաղաղապահները։ ։
Այլ երկրների իրավաբանական ու ֆիզիկական անձինքն ու նրանց պատկանող տրանսպորտային միջոցները չեն կարող մտնել Ադրբեջանի տարածք՝ առանց Ադրբեջանի համաձայնության»,-նշված է հաղորդագրության մեջ։

Տեսանյութում՝ Ադրբեջանի ոստիկանության հենակետը Գորիս-Կապան ճանապարհին.

 

 

 Լուսանկարներ

  Կիսվեք սոցցանցերում


 Պիտակներ
         Իրան, ադրբեջան, սահման, Հայաստան, Գորիս-Կապան ավտոճանապարհ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon