Արյունաբանական կենտրոնին արյան դոնորներ են պետք

ՀՀ առողջապահության նախարարության Յոլյանի անվան արյունաբանական կենտրոնին արյան դոնորներ են պետք։ Կենտրոնը հայտարարություն է տարածել ֆեյսբուքում։

«Այս պահին բազմաթիվ պացիենտներ ունեն ձեր արյան կարիքը։ Կատարեք արյունատվություն, մի հետաձգեք այդ մարդասիրական քայլը»,– ասված է հայտարարության մեջ։

Արյան բանկն աշխատում է երկուշաբթիից ուրբաթ` ժամը 09:00-ից մինչև 12:30:
Դոնորների ընդունումը իրականացվում է անձը հաստատող փաստաթղթով:

Ֆեյսբուքի օգտատերերի հարցին, թե փաստորեն պատվաստված անձը կարո|ղ դոնոր լինել, արյունաբանական կենտրոնից պատասխանել են. «Պատվաստումները հանդիսանում են ժամանակավոր հակացուցում․ կենդանի վակցինա՝ 30 օր, սպանված վակցինա՝ 10 օր»։

Այսինքն` կախված պատվաստանյութի տեսակից, պատվաստված անձը կարող է դոնորական արյուն հանձնել պատվաստվելուց կա՛մ 10, կա՛մ 30 օր հետո։