ԱՄՆ նախագահի և բարձրաստիճան պաշտոնյաների գնահատականները՝ Լևոն Տեր-Պետրոսյանին (տեսանյութ)

ԱՄՆ պաշտոնյաների գնահատականներն ՝ ուղղված Լևոն Տեր-Պետրոսյանին`

-- «Թանկագին պարոն նախագահ,
Ձեր պաշտոնաթողության կապակցությամբ ուզում եմ փոխանցել Ձեր նկատմամբ տածած իմ մեծ հարգանքը և իմ գնահատանքն արտահայտել Ձեր այն դերի, որը Դուք խաղացիք որպես Հայաստանի առաջին նախագահ: Դուք և ես սերտորեն համագործակցեցինք հայ-ամերիկյան հարաբերությունների ամրապնդման և Լեռնային Ղարաբաղի հակամարտության կարգավորման բնագավառում: Մինչ նորանկախ Հայաստանը դիմագրավում էր անհամար մարտահրավերներ, Դուք առանցքային դերակատարում ունեցաք Հայաստանի` որպես անկախ, ինքնիշխան պետության կայացման գործում: 
Դուք հիշվելու եք Հայաստանի տնտեսության վերափոխման և բոլոր հայերի կյանքի բարելավման խնդրում ներդրած մնայուն ավանդի համար: Ես հատկապես գնահատում եմ Ձեր խիզախ առաջնորդությունը` վերջնական խաղաղության հաստատման ուղղությամբ կատարած աշխատանքի համար, որը կենսական կարևորություն ունի Հայաստանի և ողջ Կովկասյան տարածաշրջանի ապագայի համար: 
Հիլարին միանում է ինձ` Ձեր և Լյուդմիլայի հետագա ձգտումների իրականացման լավագույն մաղթանքներով»:

Անկեղծորեն` Վիլյամ Ջ. Քլինթոն»
 ԱՄՆ 42-րդ նախագահ (1994թ. օգոստոսի 9)

-- «Տեր-Պետրոսյանը տարածաշրջանի ամենաինտելեկտուալ առաջնորդներից մեկն էր։ Նա հիանալի տիրապետում էր պատմությանը և դիվանագիտությանը, ինչը նրան թույլ էր տալիս իրատեսորեն գնահատել Հայաստանի հնարավորություններն ու ռիսկերը»։

Ստրոբ Թալբոթ (ԱՄՆ փոխպետքարտուղար, 1994-2001 թթ.)

-- «Հայաստանի Առաջին նախագահը դրսևորեց պետական գործչին հատուկ այնպիսի որակներ, որոնք թույլ տվեցին երկրին դուրս գալ ԽՍՀՄ փլուզման հետևանքով առաջացած աշխարհաքաղաքական ցնցումներից»։

Զբիգնև Բժեզինսկի (ԱՄՆ Ազգային անվտանգության հարցերով նախկին խորհրդական)

-- «Տեր-Պետրոսյանը բացառիկ պետական գործիչ էր, ով քաջություն ունեցավ իր ժողովրդին ասելու ճշմարտությունը` խաղաղության և փոխզիջումների անհրաժեշտության մասին։ Նրա վերլուծական միտքը և հակամարտության խորությունը հասկանալու կարողությունը նրան դարձնում էին հարգված ֆիգուր միջազգային ասպարեզում»։

Մեթյու Բրայզա (ԱՄՆ պետդեպարտամենտի դիվանագետ, ԵԱՀԿ Մինսկի խմբի նախկին համանախագահ)

-- «Լևոն Տեր-Պետրոսյանը պատմաբանի ու գիտնականի ճշգրտությամբ էր մոտենում քաղաքականությանը։ Նա Հայաստանի պետականաշինության հիմնադիրն է, ով կարողացավ ամենածանր տարիներին պահպանել երկրի կայունությունը»։

Ջոն Էվանս (Հայաստանում ԱՄՆ նախկին դեսպան)

-- «Տեր-Պետրոսյանի վերլուծական միտքը թույլ էր տալիս նրան ճշգրիտ կանխատեսել տարածաշրջանային զարգացումները։ Նա միշտ նախապատվությունը տալիս էր պրագմատիկ լուծումներին, այլ ոչ թե հռետորաբանությանը»։

Քելի Քրեյն (ԱՄՆ դեսպանատան ավագ դիվանագետ, 1990-ականներ)

Տեսանյութում՝ Լևոն Տեր-Պետրոսյանի ելույթը ԱՄՆ-ում, 1994թ.