Նախարար. Պատերազմից հետո անհետ կորած է համարվում 222 զինածառայող և 21 քաղաքացիական անձ

Պաշտոնական 17.11.2021   18:00   106

ՀՀ քննչական կոմիտեի հոկտեմբեր ամսվա տվյալներով` 44-օրյա պատերազմի ընթացքում զոհված զինծառայողների և քաղաքացիական անձանց թիվը 3788-ն է, այդ թվում՝ 3712 զինծառայող և 76 քաղաքացիական անձ։ Այս մասին ԱԺ իր ելույթում հայտարարեց աշխատանքի և սոցիալական հարցերի նախարար Նարեկ Մկրտչյանը:

«Անհայտ կորած է համարվում 222 զինածառայող և 21 քաղաքացիական անձ։ Ադրբեջանի կողմից գերության մեջ պահվող ռազմագերիների և պատանդառված քաղաքացիական անձանց ընդհանուր թիվը 40-ն է, այդ թվում՝ 37 զինծառայող և 3 քաղաքացիական անձ»,- նշեց Մկրտչյանը։

Նրա խոսքով` մինչ օրս Ադրբեջանի կողմից Հայաստանի Հանրապետություն է հանձնվել 114 զինծառայող և քաղաքացիական անձ։

Սեպտեմբերի 15-ի տվյալներով` վիրավորվել ու ստացիոնար բուժում է ստացել 7888 անձ, նրանցից 1464-ը հաշմանդամության կարգ է ձեռք բերել։

 Լուսանկարներ

  Կիսվեք սոցցանցերում


 Պիտակներ
         գերիներ.ռազմագերիներ, վիրավորներ, պատերազմ Արցախում, Հայաստան, Նարեկ Մկրտչյան, ահետ կորած

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon