Ընդլայնվել է մարտերում վնասվածք կամ խեղում ստացած զինծառայողների աջակցության միջոցառման շահառուների շրջանակը

Պաշտոնական 19.02.2021   12:03   78

ՀՀ կառավարության 2020 թվականի դեկտեմբերի 17-ի N2073-Լ որոշման փոփոխությամբ (ՀՀ կառավարության 2021 թվականի փետրվարի 18-ի N208-Լ որոշում) ընդլայնվել է 2020 թվականի սեպտեմբերի 27-ից Ադրբեջանի Հանրապետության կողմից Արցախի Հանրապետության դեմ սանձազերծված ռազմական գործողությունների ընթացքում վնասվածք կամ խեղում ստացած զինծառայողների աջակցության միջոցառման շահառուների շրջանակը:

Աջակցության միջոցառման շահառու են հանդիսանում նաև ռազմական գործողությունների ընթացքում ստացած վնասվածքի կամ խեղման պատճառով 1-ին կամ 2-րդ խմբի հաշմանդամ ճանաչված զինծառայողները:

Աջակցության միջոցառումից օգտվելու համար անհրաժեշտ է պահանջվող ներքոնշյալ փաստաթղթերն ուղարկել socmed@mil.am էլեկտրոնային փոստի հասցեով.

  1. սոցիալական քարտի համարը (ՀԾՀ),
  2. նույնականացման քարտի (երկկողմանի) կամ անձնագրի պատճենը,
  3. հիվանդության էպիկրիզի պատճենը,
  4. -ին կամ 2-րդ խմբի հաշմանդամության ճանաչման բժշկասոցիալական            փորձաքննության որոշման պատճենը,
  5. հեռախոսահամարը,
  6. բնակության հասցեն:

Հարցերի համար դիմել socmed@mil.am էլեկտրոնային փոստի հասցեով կամ զանգահարել ՀՀ պաշտպանության նախարարության թեժ գիծի 1-28 հեռախոսահամարով:
 

 Լուսանկարներ

  Կիսվեք սոցցանցերում


 Պիտակներ
         հաշմանդամ զինծառայողներ, պատերազմ Արցախում, աջակցություն

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon